“रावणदहनाच्या” हार्दिक शुभेच्छा...! | माझी वाङ्मयशेती

“रावणदहनाच्या” हार्दिक शुभेच्छा...!

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या ब्लॉगवरचे साहित्य इतरांना पाठवायचे असल्यास कृपया ब्लॉगचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. ब्लॉगवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
''माझी वाङ्मयशेती - माझा ब्लॉग''वर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

गंगाधर मुटे's picture

“रावणदहनाच्या” हार्दिक शुभेच्छा...!

शेतमालाचे भाव वाढले की
आमचा जळफळाट होतो...कारण
आमच्या मनात दडी मारून
बसला आहे एक रावण

आमच्या मनातल्या रावणाला
सीता पळवून न्यायची असते
भूमीतून निपजलेल्या वस्तूंसाठी
किंमत मोजायचीच नसते

आमची मानसिकता रावणीच
संधी मिळताच जागी होणारी
पोशिंद्याला सदैव अशोकवनात
बंदिस्त ठेवू पाहणारी

कधी मरेल हा रावण
तुमच्या-आमच्या मनातला?
आणि कधी होईल मुक्त
बळीराजा रानातला?

रावणी मनोवृत्तीचे दहन व्हावे
अशी बाळगू ‘अभय’ इच्छा
नंतरच देऊ एकमेकांना
“रावणदहनाच्या” हार्दिक शुभेच्छा...!

                        - गंगाधर मुटे ‘अभय’
~~~~~~~~~~~~~~~~~~~~~~~~~~~

प्रतिक्रिया

  • Ravindra Kamthe's picture
    Ravindra Kamthe
    October 31, 2015 04:28 PM

    मुटे सर,

    माझ्या ही अगदी अशाच भावना मी एका कवितेतून व्यक्त केल्या होत्या

    || दसरा ||

    चला करूया,
    आपण साजरा,
    हसत हसत,
    आज हा दसरा ||

    दहन करुनी,
    स्व-मधील रावणाचे,
    करूयात ज्वलन,
    आज दुर्गुणांचे ||

    लुटूयात सोने,
    माणुसकीचे,
    स्नेह आणि प्रेम,
    हेच लेणे त्याचे ||

    चला करूया,
    आपण साजरा,
    हसत हसत,
    आज हा दसरा ||
    *****
    आपला
    रविंद्र कामठे

  • गंगाधर एम मुटे's picture
    गंगाधर एम मुटे
    October 12, 2016 10:37 AM

    “रावणदहनाच्या” हार्दिक शुभेच्छा...!