श्याम सावळासा :अंगाईगीत

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या ब्लॉगवरचे साहित्य इतरांना पाठवायचे असल्यास कृपया ब्लॉगचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. ब्लॉगवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
''माझी वाङ्मयशेती - माझा ब्लॉग''वर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

ऑनलाईन अग्रिम प्रतिनिधी नोंदणी (Advance Booking)

चौथे अ.भा.मराठी शेतकरी साहित्य संमेलन, मुंबई
दिनांक : बुधवार, ३१ जानेवारी २०१८ 
स्थळ : रवींद्र नाट्यमंदिर, प्रभादेवी, दादर, मुंबई

प्रतिनिधी सहभाग नोंदणी करण्यासाठी येथे  Fingure-Right    क्लिक करा.

गंगाधर मुटे's picture
प्रकाशीत: 
(रानमेवा काव्यसंग्रहात प्रकाशित)
श्याम सावळासा

कसा बाळ माझा? श्याम सावळासा
जरासा जरासा, जरा साजरासा...!!

चांदणे स्वरुपी चंदनाचे अंग
मुख पाहतांना तारकाही दंग
असा बाळ माझा, चंद्र गोजिरासा
जरासा जरासा, जरा साजरासा...!!

नेत्र काजळीले, तीटबिंदु गाली
टिळा देखुनिया दृष्टही पळाली
हसे बाळ माझा, विठू हासरासा
जरासा जरासा, जरा साजरासा...!!

ओठी अंगठ्याने करी सुधापान
तया चुंबण्याला लोभावते मन
दिसे बाळ माझा, राम सुंदरासा
जरासा जरासा, जरा साजरासा...!!

आली बघा आली, नीजराणी आली
मिटमिट पापण्यांची, पेंग लुब्ध झाली
निजे बाळ माझा अभय सागरासा
जरासा जरासा, जरा साजरासा...!!

                                - गंगाधर मुटे
...............................................................................
(रानमेवा काव्यसंग्रह - प्रकाशन दि. १०.११.२०१०)
...............................................................................

प्रतिक्रिया

  • गंगाधर म. मुटे's picture
    गंगाधर म. मुटे
    May 23, 2012 08:11 PM

    फेसबूकवरील स्वामीजी निश्चलानंद यांचा प्रतिसाद

    मुटेसाहेब....
    शब्दांची जादूच केलीत....!
    "जरासा जरासा, जरा साजरासा...!!"
    केवळ एक अक्षर इकडचे तिकडे नेऊन अफलातून श्लेष साधला आहे...

    आणि आपल्या बाळाचं कौतुक करताना आईच्या होणाऱ्या द्विधा मन:स्थितिचं अत्यन्त सुरेख दर्शन आपण या ओळीचा ध्रुवपदासारखा वापर करून घडवलं आहे...!
    एकीकडे आईला आपला बाळ हा सावळा श्याम, गोजिरा चन्द्र, हासरा विठू किंवा सुंदर राम वाटतो.... तेच वर्णन ती एकेका कडव्यात गाते.... आणि क्षणभरात जणु भानावर येत तिला तो "जरासा जरासा" आणि "जरा साजरासा" असा आपला चिमणा बाळ दिसायला लागतो.... ती ध्रुवपदाच्या त्या विलक्षण ओळीवर येते...!!

    आईच्या या मन:स्थितिचं असं विलोभनीय दर्शन घडवत या रचनेनं काव्यात्मकतेची वेगळीच उंची गाठली आहे.... !!
    अद्भुत !!

  • प्रद्युम्नसंतु's picture
    प्रद्युम्नसंतु
    June 15, 2012 11:20 PM

    गंगाधरजी: ग्रेट. मजा आली.

  • गंगाधर मुटे's picture
    गंगाधर मुटे
    April 24, 2013 12:44 PM

    प्रद्युम्नसंतु,

    आज तुमची प्रकर्षाने आठवण झाली.

    देव तुमच्या आत्म्यास शांती प्रदान करो, हीच परमेश्वर चरणी प्रार्थना!