नाटकी बोलतात साले!

गंगाधर मुटे's picture
नाटकी बोलतात साले!

कोणीतरी यांची आता, पडजीभ उपटली पाहिजे
नाटकी बोलतात साले, की गरिबी हटली पाहिजे

भुकेचा प्रश्न सुटणारा नाही, तुझ्या भाषणाने, पण;
तू वाचाळ नाहीस अशी, खात्री तर पटली पाहिजे!

राजसत्ताच कोपली बघ, तुझ्या श्रमाच्या कमाईवर
तुझी शक्ती मनगटात तू, पूर्ण एकवटली पाहिजे

रावणांच्या राज्यात पुन्हा, सीता एकाकी पडलीय
भूमीच्या मुक्तीसाठी, तुझी काया झटली पाहिजे

देच तुतारी फुंकून तू, इथेच, याच स्थळी, अशी की;
क्रिया येथे आणि प्रतिक्रिया, दिल्लीत उमटली पाहिजे

मामला तीन पद भूमीचा, तुझ्या सिंगावर घेच तू
त्या बटू वामनाची सत्ता, "अभय" पालटली पाहिजे

                                                   - गंगाधर मुटे
----------------------------------------------------------------------------------------------------------

बटू वामन - शेतकर्‍यांना आत्महत्तेस बाध्य करून पाताळात गाडणारे सर्व सत्ताधारी म्हणजे बटू वामनाचेच वारस होय.
बटू वामन हा हिंदूचा देव आणि त्यावरच मी फक्त टीका केली आहे असे समजून हिंदूव्देष्ट्यांनी निष्कारण हुरळून जाऊ नये. कारण सर्वच धर्मांनी शेतकर्‍याला पाताळात गाडण्यासाठी कुठलीही कसर बाकी ठेवलेली नाही, यावर माझा प्रगाढ विश्वास आहे. एका शेरात सर्वच धर्माच्या प्रेषितांचा उद्धार करणे मला शक्य नसल्याने अपरिहार्यतेपोटी मी ’दुधाची तहान ताकावर’ या न्यायाने केवळ वामनाचाच उल्लेख करू शकलो, याची मला जाणीव आहे.
तसा मी आस्तिक, बर्‍यापैकी धार्मिक आणि देवपूजकही आहे.
-----------------------------------------------------------------------------------------------------------

प्रतिक्रिया

Kamalakar Desale's picture

मुटे सर, श्रमिकांच्या, कष्टकर्‍यांच्या, शेतकर्‍यांच्या बाजूने इतकी स्पष्ट वैचारिक भूमिका - जी अनेकांना गद्द्य लेखनातही घेता येत नाही - आपण कवितेतून घेतली,

हा शेतकर्‍याचा नवा आसूड आहे.

अभिनंदन . सलाम !!!!!!!!!!!!

Kanthak Boudha's picture

आवडली.
अगदी बरोबर.

Devdatta Sangep's picture

भन्नाट.

Raj Pathan's picture

अद्वितीय.

संपादक's picture

Marathi Kavita - मराठी कविता समूह वरील प्रतिसाद.

   Sudhakar Kadam

            jabaradast..................................

  Prabhakar Patki 

          मताच्या ठोशांनी सत्ता उलथविली पाहिजे..........

  Prashant Panwelkar 

           surekh............

   Renu Khatavkar 

          देच तुतारी फुंकून तू, इथेच, याच स्थळी, अशी की;
          क्रिया येथे आणि प्रतिक्रिया, दिल्लीत उमटली पाहिजे

          मामला तीन पद भूमीचा, तुझ्या सिंगावर घेच तू
          त्या बटू वामनाची सत्ता, "अभय" पालटली पाहिजे....    kya bat hai!

   Jayant Patwardhan 

           nice

   Kalpi Shyam Joshi 

          रावणांच्या राज्यात पुन्हा, सीता एकाकी पडलीय
          भूमीच्या मुक्तीसाठी, तुझी काया झटली पाहिजे....................वाह

   Kalpi Shyam Joshi 

          देच तुतारी फुंकून तू, इथेच, याच स्थळी, अशी की;
          क्रिया येथे आणि प्रतिक्रिया, दिल्लीत उमटली पाहिजे.........तडका

   Shivaji Sawant 

          चांगले लिहिले आहे. आवडली रचना.

  Suryakant Dolase 

          नाटकी बोलतात साले, की गरिबी हटली पाहिजे

   Prakash Redgaonkar 

          surekhch aavdli

   Yogita Patil 

          khas ,khas ,khas
गंगाधर मुटे's picture

फेसबूक लिंक - २२/१२/२०१४

https://www.facebook.com/gangadharmute/posts/936360563055299

---------------------------------------
माझी वाङ्मयशेती - फेसबूकपेज
---------------------------------------

दीपक's picture

Apratim... Pn yaach shetkaryansathi ladhayla Wamanrao Chatap aale aahe... Jyanche Katy adarniy shared Joshi saranmule fault aahe... Jay jaw an jay kisan