माझी ललाटरेषा

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या ब्लॉगवरचे साहित्य इतरांना पाठवायचे असल्यास कृपया ब्लॉगचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. ब्लॉगवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
''माझी वाङ्मयशेती - माझा ब्लॉग''वर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

गंगाधर मुटे's picture
माझी ललाटरेषा

धुंदीत वैभवाच्या, मस्तीत चूर झाली
माझी ललाटरेषा, मजला फितूर झाली

तब्बेत माणसाची, आहे जटील कोडे
जी काल भ्याड होती, ती आज शूर झाली

ते वीर स्वाभिमानी, जे झुंजले रणाला
औलाद आज त्यांची, का "जी हुजूर" झाली?

घे घट्ट आवळूनी, करपाश रेशमाचे
भासे असे जसे की, दमछाक दूर झाली

घे हा 'अभय' पुरावा, त्यांच्या परिश्रमाचा
ती माणसेच होती, जी कोहिनूर झाली

                                - गंगाधर मुटे
------------------------------​--------

प्रतिक्रिया

  • Gajanan mule's picture
    Gajanan mule
    September 07, 2011 10:06 PM

    ही गझल मला आवडली.
    मी तुम्हाला विचारले होते की गझल ही वृतातच लिहिली पाहिजे का ?

  • गंगाधर मुटे's picture
    गंगाधर मुटे
    September 07, 2011 10:15 PM

    होय. गझल हा फार पुर्वापार चालत आलेला तंत्रशुद्ध काव्यप्रकार असल्याने गझल ही पूर्णपणे गझलतंत्र पाळूनच लिहावे लागते.

  • गंगाधर मुटे's picture
    गंगाधर मुटे
    September 08, 2011 11:12 AM

    पण प्रयत्नाने गझलतंत्र शिकून आत्मसात करणे मुळीच अवघड नाही.

  • navnath pawar's picture
    navnath pawar
    September 17, 2011 10:11 PM

    घे हा 'अभय' पुरावा, त्यांच्या परिश्रमाचा
    ती माणसेच होती, जी कोहिनूर झाली...

    वा गंगाधरजी खुपच प्रासादिक आणि मार्मिकही .. आवडली.

  • गंगाधर मुटे's picture
    गंगाधर मुटे
    September 18, 2011 08:32 AM

    धन्यवाद नवनाथजी.