हाण त्याच्या टाळक्यात पायामधला बूट

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या ब्लॉगवरचे साहित्य इतरांना पाठवायचे असल्यास कृपया ब्लॉगचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. ब्लॉगवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
''माझी वाङ्मयशेती - माझा ब्लॉग''वर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

ऑनलाईन अग्रिम प्रतिनिधी नोंदणी (Advance Booking)

चौथे अ.भा.मराठी शेतकरी साहित्य संमेलन, मुंबई
दिनांक : बुधवार, ३१ जानेवारी २०१८ 
स्थळ : रवींद्र नाट्यमंदिर, प्रभादेवी, दादर, मुंबई

प्रतिनिधी सहभाग नोंदणी करण्यासाठी येथे  Fingure-Right    क्लिक करा.

गंगाधर मुटे's picture
हाण त्याच्या टाळक्यात : नागपुरी तडका

ऊठ मर्दा ऊठ
आवळून घे मूठ
हाण त्याच्या टाळक्यात
पायामधला बूट

सत्तेपुढे शहाणपण
जेव्हा व्यर्थ जाते
माणुसकीचे लचके तोडून
लाचखोर खाते
पौरुषाच्या नशेचे, तेव्हा लाव दोन घूट
अन्
हाण त्याच्या टाळक्यात, पायामधला बूट

अन्यायाची सीमा जेव्हा
मर्यादेला लांघते
तुझे हक्क तुडवून
तिरडीवर बांधते
शेपटी तेव्हा खाली नको, वाघासारखा ऊठ
अन्
हाण त्याच्या टाळक्यात, पायामधला बूट

पोशिंद्याच्या छाताडावर
हरामींच्या मौजा
तेव्हा राज्य करतात
लुटारूंच्या फौजा
सत्ता आणि दलालांची, कर ताटातूट
अन्
हाण त्याच्या टाळक्यात, पायामधला बूट

माय तुझी बैलावाणी
राबराबून मेली
गल्लीमध्ये मुळं अन्
दिल्लीमध्ये वेली
अभयाने शोध घे, कोणी केली लूट
अन्
हाण त्याच्या टाळक्यात, पायामधला बूट

                                    - गंगाधर मुटे "अभय"

--------------------------------------------------------------------------------------------------------------------

दिनांक १७ जानेवारी २०१५ ला बुलडाणा येथील १३ व्या अ.भा.विद्रोही साहित्य संमेलनातील कवीसंमेलनात

ही कविता सादर केली. उपस्थित रसिकांकडून या कवितेला उदंड प्रतिसाद मिळाला. आणि त्यांनी ही कविता अक्षरश: डोक्यावर घेतली. रसिकांना मनपूर्वक धन्यवाद.

कविता ऐकण्यासाठी येथे क्लिक करा.

--------------------------------------------------------------------------------------------------------------------
श्री प्रमोद देव, मुंबई यांनी या गीताला जोशपूर्ण चाल लावली आहे. अवश्य ऐका.

---------------------------------------------------------------------------------------------------------------------

प्रतिक्रिया

  • गंगाधर म. मुटे's picture
    गंगाधर म. मुटे
    August 05, 2011 11:20 PM

    मिसळपाववरील parag p divekar यांचा प्रतिसाद

    वाहव्वा मुटे साहेब

    एकदम ए के ४७ काढल्यासारखी वाटतीये.समरगीत /युद्धगीत काय म्हणाल ते म्हणा...पण अतिशय प्रभावी आहे.
    शब्दाशब्दातून भावना प्रकट झालीये.

    शेवटच्या कडव्यात तर या मागची आख्खी भावना/वेदना टाहो फोडून बाहेर आलेली आहे.

    वाहव्वा अतिशय मर्मग्राही व परीणामकारक काव्य.

  • गंगाधर म. मुटे's picture
    गंगाधर म. मुटे
    August 05, 2011 11:23 PM

    मिसळपाववरील नगरीनिरंजन यांचा प्रतिसाद

    लय भारी!! एकेक कडवं ठासून भरलेल्या दारूच्या स्फोटात उडालेल्या तप्त तोफगोळ्यासारखं आहे.

  • गंगाधर म. मुटे's picture
    गंगाधर म. मुटे
    August 05, 2011 11:24 PM

    फेसबुकवरील फेस बुके यांचा प्रतिसाद

    आपली ही वीर रसातील कविता अत्यंत घणाघाती की काय म्हणतात,तशी वाटली.मनापासून अभिनंदन.

    पौरुषाच्या नशेचे, तेव्हा लाव दोन घूट !

    आता हे काही मनाला पटले नाही.पौरुष हे असतेच.त्याचे 'घुट' कशाला लावावे लागतात?हे समजले नाही.मला तर आधी व्हिस्कीचे घुट आहेत की काय असे दिसले.आता माझी दृष्टी थोडी अधू आहे,त्याला माझा नाईलाज आहे.आपली कविता सध्याच्या ज्वलंत परिस्थितीत अत्यंत प्रेरणादायी ठरावी.मला ओघातच लहानपणी वाचलेली कविता आठवली.शिरवाडकरांची-

    "मोरासारखा छाती काढून उभा रहा.
    तिच्या नजरेत नजर घालून पहा.
    सांग तिला तुझ्या मिठीत स्वर्ग आहे सारा...

    प्रेम कर भिल्लासारखं,बाणावरती खोचलेलं,
    मातीमध्ये उगवूनसुध्दा मेघापर्यंत पोचलेलं!"(कुसुमाग्रज)

    आता यात ओळी थोड्या इकडे तिकडे झाल्या असतील.तर एवढे क्षम्य असणारच.आता ही कविता मला का आठवली हा एक महान दुर्बोध प्रश्नच आहे.कदाचित या प्रतिक्रियेइतकाच.तर ते अर्थातच असो. एक चांगली कविता!
    आपल्या वाड:मय शेतीत कवितांचे असेच मनमुराद पिक येवो ही शुभेच्छा.धन्यवाद.

  • गंगाधर म. मुटे's picture
    गंगाधर म. मुटे
    August 06, 2011 12:35 PM

    मिसळपाववरील सौंदर्य यांचा प्रतिसाद

    तुमच्या कवितेतिल 'अन' शब्दाने फार परीणाम साधलाय, जस एखाद्याने घोषणा द्यावी अन अनुयायांनि त्याला साथ द्यावि तसे वाटते.

    तुम्ही 'अन' पर्यंत कविता म्हणावी आणि आम्ही तुमच्या 'अन' नंतर अन्यायाच्या माथी बुटाचा तडाखा द्यावा असे काहीसे वाटले.

    खूप दिवसांनी अशी विरश्रीपुर्ण कविता वाचायला मिळाली.

  • गंगाधर म. मुटे's picture
    गंगाधर म. मुटे
    August 06, 2011 12:37 PM

    मिसळपाववरील अभिजीत राजवाडे यांचा प्रतिसाद

    हल्ली वीररसातील कवितांचा अभाव दिसुन येतो. हि कविता वाचुन मनाला खात्री होते कि अजुन वीररस संपला नाही.
    कविता प्रकाशित केल्याबद्द्ल खुप खुप आभार.

  • प्रा.डॉ.दिलीप बिरुटे's picture
    प्रा.डॉ.दिलीप बिरुटे
    August 08, 2011 06:34 PM

    नागपुरी तडका बाकी जोरदरा झालाय.
    अजून येऊ द्या.

    -दिलीप बिरुटे

  • अनिलमतिवडे's picture
    अनिलमतिवडे
    August 11, 2011 10:47 AM

    मुटेजी,
    लई भारी..तुफानी, मर्मावर घाव घालणारी कविता !
    या ओळीं वाचुन या पोशींद्याची लेकरं आता नक्कीच आणखीन पेटुन उठतील यात शंका नाही.

  • गंगाधर म. मुटे's picture
    गंगाधर म. मुटे
    August 11, 2011 10:53 AM

    मायबोलीवरील देवनिनाद यांचा प्रतिसाद.

    सणसणीत आणि तितकीच एक अ‍ॅक्शनपॅक्ड कविता ... वा !! मुटेसाहेब ..

  • अतुल कडलग's picture
    अतुल कडलग
    October 21, 2011 10:15 PM

    एकदम मस्त झाला आहे नागपुरी तडका !!! ..

  • Kushagra Mungee's picture
    Kushagra Mungee
    September 04, 2012 04:44 PM

    श्री मुटे साहेब,

    अप्रतिम, सणसणित आणखीन तेवढीच मनाला पूर्णपणे बांधून ठेवणारी .

    श्री प्रमोद देव, ह्यांनीही छान प्रस्तुतीकरण केलंय.

  • गंगाधर मुटे's picture
    गंगाधर मुटे
    February 22, 2013 10:39 AM

    प्रतिसादाबद्दल सर्वांना मनपूर्वक धन्यवाद.